Shukratara Mand vaara chandane panyatuni

शुक्रतारा मंद वारा चांदणे पाण्यातुनी
चंद्र आहे स्वप्न वाहे धुंद या गाण्यातुनी
आज तू डोळ्यात माझ्या -२ मिसळूनी डोळे पहा
तू अशी जवळी रहा  -२

ती -
मी कशी शब्दात सांगू भावना माझ्या तुला - २
तू तुझ्या समजून घे रे लाजणाऱ्या या फुला -२
अंतरीचा गंध माझ्या -२ आज तू पवना वहा
तू असा जवळी रहा -२

तो -
लाजऱ्या माझ्या फुला रे गंध हा बिलगे जीवा -२
अंतरीच्या स्पंदनाने अन थरारे हि हवा -२
भारलेल्या या स्वरांनी भारलेला जन्म हा
तू अशी जवळी रहा - २

ती - 
शोधिले स्वप्नात मी ते परी जागीपणी - २
दाटुनी आलास तू रे आज माझ्या लोचनी
वाकला फांदीपरी -२ आता फुलांनी जीव हा
तू असा जवळी रहा -२


तो - शुक्रतारा मंद वारा चांदणे पाण्यातुनी
ती - चंद्र आहे स्वप्न वाहे धुंद या गाण्यातुनी
दोघे - आज तू डोळ्यात माझ्या -२ मिसळूनी डोळे पहा
तो - तू अशी जवळी रहा  ती - तू असा जवळी रहा

गीतकार - मंगेश पाडगावकर
गायक - अरुण दाते, सुधा मल्होत्रा
संगीत - श्रीनिवास खळे

Dis Nakalat Jai - Marathi lyrics

दिस नकळत जाई -२
सांज रेंगाळून राही
क्षण एकही न ज्याला तुझी आठवण नाही ...
दिस नकळत जाई -२

भेट तुझी ती पहिली लाख लाख आठवतो
रूप तुझे ते धुक्याचे कण कण साठवतो
वेड सखे साजणी हे -२
मज वेडावून जाई
क्षण एकही न ज्याला तुझी आठवण नाही ...
दिस नकळत जाई -२

असा भरून ये उर जसा वळीव भरावा -२
अशी हुरहूर जसा गंध रानी पसरावा
रान मनातले माझ्या -२
मग भिजुनिया जाई
क्षण एकही न ज्याला तुझी आठवण नाही ...
दिस नकळत जाई -२

आता अबोध मनाची अनाकलनीय भाषा -२
जशा गूढ गूढ माझ्या तळहातावर रेषा
असे आभाळ असे आभाळ -२
रोज पसरून राही
क्षण एकही न ज्याला तुझी आठवण नाही ...
दिस नकळत जाई -२

सांज रेंगाळून राही
क्षण एकही न ज्याला तुझी आठवण नाही ...
दिस नकळत जाई -२
दिस नकळत जाई
गायक -

Pahile na mi tula tu mala na pahile - lyrics

पाहिले न मी तुला तू मला न पाहिले
ना कळे कधी कुठे मन वेडे गुंतले

पाहिले न मी तुला ....

हिमवर्षावातही कांती तव पाहुनी - २
तारका नभातल्या लाजल्या मनातुनी
ओघळले हिम तुषार गालावर थांबले -२
ना कळे कधी कुठे मन वेडे गुंतले

पाहिले न मी तुला ....

का उगाच झाकीशी नयन तुझे साजणी -२
सांगतो गुपित गोड स्पर्श तुझा चंदणी
धुंदल्या तुझ्या मिठीत  देहभान हरपले - २
ना कळे कधी कुठे मन वेडे गुंतले
पाहिले न मी तुला ....

मृदुशैया टोचते स्वप्न नवे लोचनी
पाहिलेस तू तुला आरशात ज्या क्षणी
रूपदे कळी बघून नयन हे सुखावले - २

ना कळे कधी कुठे मन वेडे गुंतले
पाहिले न मी तुला ....

गायक - सुरेश वाडकर

Firtya Chakavarati Deshi फिरत्या चाकावरती देशी

फिरत्या चाकावरती देशी मातीला आकार
विठ्ठला तू वेडा कुंभार

माती पाणी उजेड वारा
तूच मिसळशी सर्व पसारा
आभाळच मग ये आकारा
तुझ्या घटांच्या उतरंडीला नसे अंत ना पार


घटाघटांचे रूप आगळे
प्रत्येकाचे दैव वेगळे
तुझ्याविना ते कोणा न कळे
मुखी कुणाच्या पडते लोणी, कुणा मुखी अंगार 

तूच घडविशी तूच फोडीशी
कुरवाळीशी तू तूच तोडीशी
न काळे यातून काय जोडीशी
देसी डोळे परी निर्मिसी तयांपुढे अंधार

तू वेडा कुंभार विठ्ठला
तू वेडा कुंभार

गीतकार - ग. दि. माडगुळकर
संगीत / गायक - सुधीर फडके
चित्रपट  - प्रपंच 

He jeevan sundar aahe

हे जीवन सुंदर आहे
हे जीवन सुंदर आहे

नितळ निळाई आकाशाची अन क्षितिजाची लाली
दवात भिजल्या वाटेवरती किरणांची रांगोळी

इथ इमारतीच्या जंगलांचा वनवास
त्यातून दिसणार टीचभर आकाश
आणि गर्दीत घुस्मटलेले रस्त्यांचे श्वास


कोठेही जा अवती भवती निसर्ग एकच आहे
हे जीवन सुंदर आहे

पानांमाधली सळसळ हिरवी अन किलबिल पक्षांची
झुळझुळ पाणी वेळूमधुनी उडे शिळ वाऱ्याची 


इथ गाणं लोकलचं पाणी तुंबलेल्या नळाचं
आणि वार डोक्यावर गरगरणाऱ्या पंख्याचं 

इथे तिथे संगीत अनामिक एकच घुमते आहे
हे जीवन सुंदर आहे

गीतकार -  सुधीर मोघे
गायिका / गायक - आशा भोसले / ?
संगीत -आनंद मोडक
चित्रपट - चौकट राजा 

Ek jhoka chuke kalajacha thoka ek zoka

एक झोका एक झोका
चुके काळजाचा ठोका
एक झोका

उजवीकडे डावीकडे
डावीकडे उजवीकडे
जरा स्वतः लाच फेका
एक झोका एक झोका

नाही कुठे थांबायचे
मागे पुढे झुलायचे
हाच धरायचा ठेका
एक झोका एक झोका

जमिनीला ओढायचे
आकाशाला जोडायचे
खूप मजा थोडा धोका
एक झोका एक झोका

गीतकार - सुधीर मोघे 
गायिका - आशा भोसले
संगीत - आनंद मोडक
चित्रपट - चौकट राजा

Onkar swarupa sadguru samartha Suresh Wadkar

ओंकार स्वरूपा सदगुरू समर्था
अनाथाच्या नाथा तुज नमो

नमो मायबापा गुरुकृपा घना
तोडिया बंधना मायामोहा
मोहोजाळ माझे कोण निरशील
तुजवीण दयाळा सदगुरू राया

सदगुरू राया माझा आनंद सागर
त्रैलोक्या आधार गुरु राव
गुरुराव स्वामी असे स्वयंप्रकाश
ज्यापुढे उदास चंद्र रवी
रवी शशी अग्नी नेण तिज्या रुप
स्वप्रकाश रूपा नेणे वेद

एका जनार्दनी गुरु परब्रह्म
तयाचे पै नाम सदा मुखी

कवी - संत एकनाथ महाराज
गायक - सुरेश वाडकर
संगीत - श्रीधर फडके